«Роэль Метрополитен Университет» билим берүү мекемесинде өрт коопсуздугу боюнча тренинг өткөрүлдү

2025-жылдын 17-февралында «Роэль Метрополитен Университет» билим берүү мекемесинини кызматкерлери үчүн өрт коопсуздугу боюнча инструктаж өткөрүлдү. Иш-чара университеттин жетекчилиги тарабынан коопсуздук маданиятын бекемдөө максатында уюштурулду. Инструктаж Бишкек шаарынын Биринчи май районунун өзгөчө кырдаалдар бөлүмүнүн 4-бөлүмүнүн өрткө каршы-куткаруу бөлүмүнүн башчысы Сооронбаев М. А. тарабынан өткөрүлдү.

Практикалык аспектилерге өзгөчө көңүл бурулду: өрт учурундагы иш-аракеттердин алгоритмдери, билим берүү мекемелеринде өрт коопсуздугунун нормаларын сактоо жана өрт коркунучун азайтуу.

Брифинг кызматкерлердин өрт коопсуздугун камсыз кылуунун заманбап ыкмалары боюнча билимин жаңыртууга багытталган. Ошондой эле инструктаждын алкагында кызматкерлер жана окутуучулар өрт коопсуздугу боюнча Кыргыз Республикасынын мыйзамдарынын актуалдуу талаптары тууралуу түшүндүрмөлөрдү алышты, ошондой эле жабыр тарткандарга биринчи жардам көрсөтүүнүн тартибин үйрөнүштү.